<0>Bu sənədi imzalamaqla təsdiq edirəm ki, bank xidmətlərinin göstərilməsi/bank əməliyyatlarının həyata keçirilməsi məqsədilə “ASAN Finans” elektron portalı vasitəsilə şəxsiyyəti təsdiq edən sənəd (şəxsiyyət vəsiqəsi, müvəqqəti yaşayış icazəsi və ya şəxsiyyəti təsdiq edən digər sənəd) üzrə müəyyən olunan məlumatların (sənədin FİN-i, seriya və nömrəsi, ad, soyad, ata adı, qeydiyyat ünvanı, sənədi verən orqanın adı, sənədin verilmə və bitmə tarixi, cins, doğum tarixi və yeri, ailə vəziyyəti, vətəndaşlığı), iş yeri üzrə müəyyən olunan məlumatların (o cümlədən iş yeri, vəzifə, əmək müqaviləsinin tipi (müddətli və ya müddətsiz), əmək müqaviləsinin bağlanma və bitmə tarixi, iş yerinin növü (əsas və ya əvəzçilik üzrə), əmək haqqının məbləği), habelə pensiya, müavinət, təqaüd və kompensasiya ilə bağlı məlumatların (pensiyanın, sosial müavinətin, təqaüdün, digər sosial ödənişlərin (kompensasiya, ünvanlı sosial yardım) növü, məbləği, başlanma və bitmə tarixləri, əlilliyə görə pensiya, sosial müavinət və ya təqaüd alan şəxsin əlilliyinin səbəbi (diaqnozları), müddəti), hüquqi şəxsə və ya fərdi sahibkarlığa aid məlumatların (hüquqi şəxs və ya fərdi sahibkar olması, hüquqi şəxsin adı, hüquqi ünvan, filial və ya nümayəndəliyin hüquqi ünvanı, VÖEN, hüquqi şəxsin və ya fərdi sahibkarın qeydiyyata alınma tarixi, hüquqi şəxsin və ya fərdi sahibkarın qeydiyyat məlumatlarında dəyişiklik edilmə tarixi, hüquqi şəxsin statusu, qanuni təmsilçisinin adı, soyadı, atasının adı) lakin, bununla məhdudlaşmayaraq müvafiq bank məhsulunun/xidmətinin əldə edilməsi üçün tələb olunan bütün digər məlumatların (telefon nömrəsi və elektron ünvanı, yaşadığı və olduğu yer, ixtisası, şəkli və s.) ABB-ə təqdim olunmasına razılıq verirəm .<0>Bu sənədlə həmçinin, mənə/hüquqi şəxsə məxsus əmlak/vəsait barədə məlumatların ABB tərəfindən digər kredit təşkilatlarından əldə edilməsinə dair razılıq verirəm.<0>Bu sənədi imzalamaqla təsdiq edirəm ki, bu əməliyyat çərçivəsində imzalanan müvafiq sənədlər üzrə tərəfimdən ABB-ə təqdim edilən və ya ABB tərəfindən müxtəlif informasiya ehtiyatlarından əldə edilən bütün məlumatlar əlavə razılıq alınmadan ABB tərəfindən analitika, monitorinq, marketinq, müştəriyə göstərilən əlavə xidmətlər (o cümlədən də konsiyerj xidmətləri) və qanunvericilikdə qadağan olunmamış digər məqsədlər üçün təhlil və emal edilməsinə, işlənməsinə, ümumiləşdirilməsinə, özünün törəmə müəssisələrinə və digər partnyorlarına təqdim edilməsinə, transsərhəd qaydada ötürülməsinə, müvafiq qaydada saxlanmasına və qanunvericiliklə qadağan edilməmiş digər tədbirlərin görülməsinə razılıq verirəm.<0>Bu razılıq 10 il müddətinə, lakin müvafiq bank xidmətindən istifadə müddətindən az olmamaqla qüvvədədir. Razılığın yazılı müraciətə əsasən, vaxtından əvvəl ləğv edilə bilməsi mənə izah olundu.<0>Bu sənədi imzalamaqla təsdiq edirəm ki, müxtəlif məhsullara dair kampaniya və reklam xarakterli məlumatların (SMS, bildiriş, e-mail və s. elektron formada) ABB tərəfindən mənə göndərilməsinə razılıq verirəm.<0>Bu sənədi imzalamaqla təsdiq edirəm ki, mən tərəfindən və ya ABB-nin təqsiri olmadan digər şəxslər tərəfindən mənə aid bütün məlumatların (fərdi məlumatlar, və bank sirri məlumatları da daxil olmaqla) üçüncü şəxslərə təqdim edilməsi nəticəsində dəymiş (dəyə biləcək) zərərə, eləcə də bütün növ maliyyə itkilərinə görə bütün riskləri və məsuliyyəti öz üzərimə götürürəm.<0>Bu sənədi imzalamaqla təsdiq edirəm ki, hüquqi şəxsə münasibətdə hüquqi şəxs tərəfindən və ya ABB-nin təqsiri olmadan digər şəxslər tərəfindən hüquqi şəxsə aid bütün məlumatların (kommersiya və bank sirri məlumatları da daxil olmaqla) üçüncü şəxslərə təqdim edilməsi nəticəsində dəymiş (dəyə biləcək) zərərə, eləcə də bütün növ maliyyə itkilərinə görə bütün riskləri və məsuliyyəti hüquqi şəxs daşıyır.<0>Bu razılıq əsasında əldə edilmiş məlumatların saxlanma müddəti müvafiq xidmətdən istifadə/bank əməliyyatlarının həyata keçirilməsi müddəti ilə eynidir və həmin xidmətə/əməliyyata xitam verildikdən sonra, eləcə də razılıq verən şəxsin ölümü/hüquqi şəxsin ləğvi halında həmin məlumatlar qanunvericilikdə nəzərdə tutulmuş qaydada arxivləşdirilsin (ləğv edilsin).